ലോകത്തു വേറെ ഒരു ജോലിയ്കും ഇതുപോലൊരു വിരോധാഭാസം കാണില്ല.
എല്ലാവര്‍ക്കും കുറ്റം പറയാന്‍ ഒരു സാധനം - ഡോക്ടര്‍.
അസുഖം വന്നാല്‍ എല്ലാവര്‍ക്കും ആവശ്യം - ഡോക്ടര്‍.
എവിടുന്നെങ്കിലും നമ്പര്‍ കണ്ടുപിടിച്ച്‌ വിളിക്കും- ഡോക്ടര്‍ ഇന്ന് ഓപി യില്‍ കാണുമോ ?
അതിനിത്ര രാവിലെ വിളിക്കണോ ? അഞ്ചര മണി ആയതല്ലേ ഉള്ളു?
ഓ സോറി. ഞാന്‍ നടക്കാന്‍ പോവുന്നതിനു മുന്‍പ്‌ വിളിച്ചെന്നേ ഉള്ളു. ഡോക്ടര്‍ ഉറങ്ങുവായിരുന്നു അല്ലേ?
(അതേ , ഇന്നലെ രാത്രി 3 മണി കഴിഞ്ഞാ ആശുപത്രിയില്‍ നിന്നു വന്നു കിടന്നത്‌-
എന്തിനു പറയണം. തനിക്കത്‌ അറിയേണ്ടല്ലോ.
രാവിലെ വിളിച്ചതിന്‌ അയാള്‍ ചാടിക്കടിയ്ക്കാന്‍ വന്നു എന്നു പറയാനുള്ളതല്ലേ)
75 രൂപയുടെ ഒരു OP റ്റികറ്റ്‌ എടുത്തു കഴിഞ്ഞാല്‍ ഡോക്ടറെ വിലയ്ക്കുവാങ്ങിയതുപോലെ തന്നെ. തോന്നുമ്പോള്‍ വിളിക്കാം. ഒരേ കാര്യം തന്നെ പലര്‍ വീണ്ടും വീണ്ടും അറിയാന്‍ ചോദിക്കാം.(ആദ്യം കേട്ടയാള്‍ അങ്ങു പറഞ്ഞാല്‍ പോരേ - ങ്‌ ഹും പോരാ.എനിയ്ക്കും ചോദിക്കണം !)
ഒരഞ്ചു മിനിറ്റ്‌ മുന്‍പ്‌ ഇതേ കാര്യത്തിന്‌ വേറെ ആരോ വിളിച്ചിരുന്നല്ലോ?
അതെ അത്‌ എന്റെ വകയില്‍ ഒരു അമ്മായിയാ. അവരുടെ അടുത്ത്‌ പറഞ്ഞിട്ടു കാര്യമില്ല ഉടനെ മറക്കും. (പിന്നെന്തിനാ എന്നെ വിളിക്കാന്‍ സമ്മതിച്ചത്‌? ഞാന്‍ ഇവിടെ വേറെ ജോലി ഒന്നും ഇല്ലാതിരിക്കുകയാണെന്നു വിചാരിച്ചോ. "ശ്ശോ ആരെങ്കിലും ഒന്നു വിളിച്ചിരുന്നെങ്കില്‍ രോഗ വിവരം മുഴുവന്‍ വീണ്ടും വീണ്ടും പറയാമായിരുന്നു" ) "
എന്തൊരു സാധനം.ഇവനൊക്കെ മനുഷ്യത്ത്വം ഇല്ലല്ലോ. ഒരു വിവരം അറിയാന്‍ വിളിച്ചാല്‍ നമ്മളെ കടിച്ചുകീറും.വേറെ ഡോക്ടര്‍മാരില്ലാത്തതുപോലെ
ഞാന്‍ കഴിഞ്ഞ ചൊവ്വാഴ്ച വന്നിരുന്നു ഡോക്ടറെ ക്കണ്ടില്ല, ലീവ്‌ ആണെന്നു പറഞ്ഞു (ഒരു കുറ്റപ്പെടുത്തല്‍ !) - ഞാന്‍ കഴിഞ്ഞ എത്രയോ വര്‍ഷമായി നിങ്ങളെക്കാത്തിരിക്കുന്നു സഹോദരാ.എന്തേ ഇതിനു മുന്‍പ്‌ വരാത്തേ?
അസുഖം emergency ഒന്നുമല്ലല്ലോ- ഒരു പതിനഞ്ചു വര്‍ഷമായി ദാ ഇങ്ങനെ നിന്നിട്ട്‌ മുന്നോട്ടു കുനിഞ്ഞ്‌ ഇടത്തോട്ടു നോക്കുമ്പോള്‍ നടുവിന്റെ വലതു വശത്തായി ഒരു വേദന പോലെ. (എന്താ ഈ വേദന പോലെ? വേദന ഉണ്ട്‌ അല്ലെങ്കില്‍ ഇല്ല അല്ലാതെ ഉണ്ടെന്നൊരു തോന്നലോ?)- ഗുളിക എഴുതുന്നതു പോലെ കാണിച്ചാല്‍ മതിയോ അതോ--- .
പെയിന്‍ കില്ലര്‍ ഞാന്‍ കഴിക്കാറില്ല.( വേദനയ്ക്ക്‌ വേദന സംഹാരി അല്ലാതെ പിന്നെന്താ വേണ്ടത്‌?)
ആന്റിബയോട്ടിക്ക്‌ ഒന്നും വേണ്ടേ? - ഇല്ല ഇത്‌ വൈറല്‍ ഫീവര്‍ ആകാനാണ്‌ സാധ്യത. അപ്പോള്‍ പലപ്പോഴും ആന്റിബയോട്ടിക്‌ ആവശ്യമില്ല.
പക്ഷേ കഴിഞ്ഞ തവണ ഇതുപോലെ വന്നപ്പോള്‍ ഡോക്ടര്‍ വാനരന്‍ ആന്റിബയോടിക്‌ തന്നു കഴിഞ്ഞാണ്‌ ഇവന്റെ പനി കുറഞ്ഞത്‌ (ആണോ, എങ്കില്‍ പോയി വാനരനെത്തന്നെ കാണൂ. എന്റെ ചികില്‍സ ഇങ്ങനെയാണ്‌)
ആന്റിബയോടിക്‌ വേണോ? - തീര്‍ച്ചയായും. നല്ല chest infection ഉണ്ട്‌. ഒരാഴ്ചയില്‍ കൂടുതലായി. ഇനി നമ്മള്‍ വച്ചോണ്ടിരുന്നിട്ട്‌ കാര്യമില്ല.
പക്ഷേ ഡോക്ടര്‍ വാനരന്‍ പറഞ്ഞിട്ടുണ്ട്‌ ഒരു കാരണവശാലും ആന്റിബയോടിക്കുകള്‍ അവനു കൊടുക്കരുതെന്ന് (എങ്കില്‍പ്പിന്നെ നേരത്തെ പറഞ്ഞതുപോലെ-----)
ഒരു സ്കാന്‍ കൂടെ അങ്ങ്‌ എടുത്താലോ എന്ന് ഞാന്‍ വിചാരിക്കുന്നു.
ഡോക്ടര്‍ക്കെന്തു തോന്നുന്നു? അതിന്‌ അങ്ങനെ പ്രത്യേകിച്ച്‌ ഒരു സീരിയസ്‌ അസുഖത്തിന്റെ ലക്ഷണമൊന്നും ഞാന്‍ നോക്കിയിട്ട്‌ കാണുന്നില്ലല്ലോ. എടുത്ത സാധാരണ ടെസ്റ്റുകള്‍ എല്ലാം നോര്‍മല്‍ ആണല്ലോ പിന്നെന്തിനാ?
എന്നാലും ഒരെണ്ണം എടുക്കാം ഒരു സമാധാനം ആവുമല്ലോ.
നമുക്ക്‌ രോഗിയുടെ അഭിപ്രായം കൂടി ഒന്നു ചോദിച്ചാലോ?
നിങ്ങള്‍ ആരെന്നു മനസ്സിലായില്ല.
ഞാന്‍,ങാ ഞാന്‍ പേഷ്യന്റിന്റെ വകയിലൊരു ബന്ധുവാണ്‌ (അപ്പോ പൈസ ഇറക്കേണ്ടി വരുന്നവനല്ല, അതാണ്‌ സ്കാന്‍ എടുക്കാന്‍ ഇത്ര ആവേശം !)
ഈ സ്കാനിന്റെ ആവശ്യമുണ്ടോ? അതില്ലാതെ ചികില്‍സിച്ചൂടേ? പറ്റുമായിരിക്കും പക്ഷേ എന്റെ ചികില്‍സയില്‍ എന്തെങ്കിലും പാളിച്ച വന്നാല്‍ (ഞാനും മനുഷ്യനാണല്ലോ- അക്കര്യത്തില്‍ പലര്‍ക്കും സംശയം ഉണ്ടെങ്കിലും !) അന്ന് നിങ്ങള്‍ തന്നെ തിരിഞ്ഞ്‌ എന്റടുത്ത്‌ ചോദിക്കുകയില്ലേ. എന്താ ഒരു സ്കാന്‍ എടുക്കാത്തത്‌ എന്ന്.
സ്കാന്‍ എടുത്താല്‍ ചികില്‍സ ആവുന്നില്ല എന്നെനിക്ക്‌ നന്നായിട്ടറിയാം. പക്ഷേ എനിക്ക്‌ മാന്ത്രിക ശക്തി ഒന്നും ഇല്ല പഠിച്ചതിന്റെ ബലത്തില്‍ ആണ്‌ എന്റെ ഈ കസര്‍ത്ത്‌. അത്‌ നൂറു ശതമാനവും ശരിയാവണം എന്നില്ല.
ആയിരം രോഗികളെ സുഖമാക്കി വിട്ടാലും അതിന്റെ മുഴുവന്‍ ഫലവും സല്‍പ്പേരും പോവാന്‍ ഒരൊറ്റ കൈപ്പിഴ മതി. ആ കൈപ്പിഴ വരാതിരിക്കാന്‍ ചിലപ്പോള്‍ സ്കാന്‍ എടുത്താല്‍ പറ്റുമെങ്കില്‍ ഞാന്‍ അത്‌ എടുത്താല്‍ എന്താ കുഴപ്പം? ഞാന്‍ കമ്മിഷന്‍ വാങ്ങാറില്ല.എന്റെ അടുത്ത മുറിയിലെ ഡോക്ടറുടെ രോഗികള്‍ 6000 രൂപയ്ക്ക്‌ സ്കാന്‍ എടുക്കുമ്പോള്‍ എന്റെ രോഗികളെല്ലാം തന്നെ 3000 രൂപ കൊടുത്താണ്‌ MRI scan എടുക്കുന്നത്‌. പാവപ്പെട്ടവര്‍ക്ക്‌ 2500 വരെ സ്കാന്‍ എടുത്തു തരാമെന്ന് സ്കാന്‍ സെന്റര്‍ ഏറ്റിട്ടുമുണ്ട്‌.
മനുഷ്യര്‍ പലവിധം ഉണ്ട്‌. ചിലത്‌ ചീഞ്ഞതായിരിക്കും. ചീഞ്ഞതു മാത്രം കണ്ടു പരിചയിച്ചവര്‍ക്ക്‌ എല്ലാവരും ചീഞ്ഞതായി തോന്നും. ഡോക്ടര്‍മാരല്ലാതെ വേറെ ആര്‍ക്കും കഷ്ടകാലത്തിന്‌ fee for service പറ്റുകയില്ല (ഫിസിയോതെരപിസ്റ്റുകള്‍ക്കും പറ്റും) അതുകൊണ്ടു തന്നെ മറ്റ്‌ ആശുപത്രി ജീവനക്കാര്‍ക്കും പൊതുജനത്തിനും ഡോക്ടറെ ചൂണ്ടിക്കാട്ടി പൈസ വാങ്ങുന്നു പൈസ വാങ്ങുന്നു എന്നു വിളിച്ചുകൂവാന്‍ എളുപ്പമുണ്ട്‌. പല ഗവണ്‍മന്റ്‌ ആശുപത്രിയിലെയും മുറിവു വച്ചുകെട്ടുന്ന അറ്റെണ്ടര്‍ പൈസ കിട്ടാതെ ഒന്നും ചെയ്യാറില്ല. അവിടെ ചികില്‍സയ്ക്കു ചെല്ലുന്ന രോഗിയുടെ ഗതി അറിയാമല്ലോ. അവന്റെ കയ്യില്‍ നിന്നു പോലും പൈസ വാങ്ങിക്കുന്നവര്‍ ഉണ്ട്‌.(അതു പിന്നെ ജീവിക്കാന്‍ വേണ്ടി അല്ലെ? അതുപോലെ ആണോ ഞങ്ങള്‍ ദൈവം പോലെ കാണുന്ന ഡോക്ടര്‍ ?)
worst enemy- best friend !
Thursday, February 21, 2008
Sunday, January 13, 2008
ഡോക്ടര്‍- രോഗി ബന്ധം
നമ്മുടെയിടയില്‍ വളരെപ്പെട്ടെന്നു വഷളായിക്കൊണ്ടിരിക്കുന്ന ഒന്നാണ്‌ ഈ ബന്ധം. അതിനു കാരണമായി ചൂണ്ടിക്കാണിക്കാന്‍ ധാരാളം കാരണങ്ങള്‍ ഉണ്ട്‌.മിക്കവാറും എല്ലാ പ്രശ്നങ്ങളും രോഗിയുടെ വശത്തു നിന്നാണ്‌ നാം അറിയുന്നത്‌. ഡോക്ടര്‍മാരുടെ കയ്യിലിരിപ്പ്‌ ഇതില്‍ വലിയൊരു പങ്കു വഹിക്കുന്നുണ്ട്‌.
(1) "ചെന്നിരുന്നാല്‍ ഉടന്‍ ഗുളിക എഴുതി കയ്യില്‍ത്തരും. എന്റെ മുഴുവന്‍ അസുഖവിവരം പറയാന്‍ പോലും സമയം തന്നില്ല"
ഇതാണെന്നു തോന്നുന്നു ഏറ്റവും കൂടുതല്‍ കേള്‍ക്കുന്ന ഒരു പരാതി.മിക്കവാറും ഇതു സംഭവിക്കുന്നത്‌ അല്‍പം പ്രശസ്തനായ ഡോക്ടരെ (പ്രത്യേകിച്ചും ഒരു specialistനെ) കാണാന്‍ പോകുമ്പോഴാണ്‌. നിറഞ്ഞൊഴുകുന്ന കണ്‍സള്‍റ്റിംഗ്‌ റൂമിലെ മുറുമുറുപ്പ്‌ ("എത്ര നേരമായി വന്നിരുന്നിട്ട്‌" ഇങ്ങേരെന്തോന്ന് അകത്ത്‌ ചായ കുടിക്കുകയാണോ" മുതലായവ )ഡോക്ടറുടെ ചെവിയിലും എത്തുന്നതിന്റെ ഒരു indirect effect ആവാമെങ്കിലും പലപ്പോഴും ഇത്‌ രോഗിയുടെ മനസ്സിലെ തന്റെ രോഗത്തിനെക്കുറിച്ചുള്ള പ്രാധാന്യവും (perceived importance) ഡോക്ടറുടെ മനസില്‍ രോഗിയുടെ രോഗത്തിനു നല്‍കിയിട്ടുള്ള പ്രാധാന്യവും (actual importance) തമ്മിലുള്ള അന്തരം കാരണം തോന്നുന്നതാണ്‌.
വെളിയിലിരുന്നു മുറുമുറുക്കുന്നവര്‍ ആണ്‌ പലപ്പോഴും അകത്തു കയറിക്കഴിഞ്ഞാല്‍ തന്റെ കുടുംബ ചരിത്രം മുഴുവന്‍ വിളമ്പി സമയം കളയുന്നത്‌ എന്ന് എനിക്ക്‌ പലപ്പോഴും തോന്നിയിട്ടുണ്ട്‌. മറ്റുള്ളവരുടെതിനെക്കാള്‍ പ്രാധാന്യം നമ്മുടെ രോഗത്തിനാണ്‌ എന്നതുകൊണ്ട്‌ വെളിയില്‍ ഇരിക്കുന്നവരുടെ സ്ഥിതി പലരും ഓര്‍ക്കാന്‍ ശ്രമിക്കാറില്ല എന്നതാണ്‌ വാസ്തവം. അങ്ങനെ വരുമ്പോള്‍ പലപ്പോഴും രോഗവുമായി പ്രസക്തിയില്ല എന്നു തോന്നുന്ന ഭാഗങ്ങള്‍ വരുമ്പോള്‍ (ശരിയായിട്ടോ തെറ്റായിട്ടോ) നമുക്ക്‌ അതു തടഞ്ഞ്‌ ശരിയായ വഴിയിലേക്ക്‌ (ഇപ്പോഴത്തെ പ്രശ്നത്തിലേക്ക്‌) സംഭാഷണം തിരിച്ചു വിടേണ്ടി വരും. പലപ്പോഴും ഇതു രോഗിക്ക്‌ ഇഷ്ടപ്പെട്ടു എന്നു വരില്ല. അപ്പോള്‍ അത്‌ ഒരു hostile interview ആയി മാറാന്‍ ഉള്ള സാധ്യത കൂടുന്നു.
പലപ്പോഴും ആദ്യത്തെ ഒന്നു രണ്ടു വാചകങ്ങളില്‍ നിന്നു തന്നെ നമുക്ക്‌ രോഗത്തിന്റെ seriousness മനസ്സിലാക്കാന്‍ പറ്റും. "ശരിക്കും പറഞ്ഞാല്‍ ഈ നടുവേദന തുടങ്ങിയിട്ട്‌ ഒരു 15 കൊല്ലമെങ്കിലും ആയിട്ടുണ്ട്‌.(അപ്പോള്‍ ഇന്നു വരാനുള്ള കാരണം?) ഇന്നു ഈ വഴി ഒരാവശ്യത്തിനു വന്നപ്പോള്‍ ഡോക്ടറെ ഒന്നു കാണാം എന്നു വിചാരിച്ചു" (അപ്പോള്‍ പുതുതായി പ്രശ്നങ്ങള്‍ ഒന്നും തന്നെ ഉണ്ടായിട്ടല്ല - എന്തായാലും വേറൊരു ആവശ്യത്തിന്‌ leave എടുത്തു , എങ്കില്‍പ്പിന്നെ....) - ഇത്‌ കൂടുതല്‍ വിസ്തരിക്കേണ്ട ആവശ്യമുണ്ടോ? പെട്ടെന്നൊന്നു നോക്കി സീരിയസ്‌ അസുഖങ്ങള്‍ ഒന്നും ഇല്ല എന്ന് ഉറപ്പു വരുത്തി - ഗുളിക, മരുന്ന്, exercise എന്നിവ പറഞ്ഞാല്‍ പോരേ ? അദ്ദേഹത്തിന്റെ പതിനഞ്ചു വര്‍ഷത്തെ ചരിത്രം കേള്‍ക്കാനിരുന്നാല്‍ അദ്ദേഹം സംതൃപ്തനാവും പക്ഷേ കുറച്ചുകൂടി വലിയ പ്രശ്നവും ആയി വേറൊരാള്‍ വെളിയില്‍ ക്കാണും എന്നതിനാല്‍ അദ്ദേഹം സ്വല്‍പം പിണങ്ങിയാലും സാരമില്ല എന്നു വിചാരിക്കുവാനെ തരമുള്ളു. അപ്പോള്‍ അദ്ദേഹം വെളിയില്‍ ഇറങ്ങിയിട്ട്‌ "മുഴുവന്‍ പറയാന്‍ സമ്മതിച്ചില്ല" എന്നു പറഞ്ഞാല്‍ ?
90 ശതമാനം സമയവും വര്‍ഷങ്ങളായിട്ടുള്ള ഒരു നടുവേദന - പ്രത്യേകിച്ച്‌ വ്യത്യാസമുണ്ടായിട്ടില്ല എങ്കില്‍ ഒരു സീരിയസ്‌ അസുഖം മൂലം ആവാനുള്ള സാധ്യത വളരെക്കുറവാണ്‌ (ഇതിന്‌ exceptions ഉണ്ട്‌ എന്നതില്‍ തര്‍ക്കമില്ല)അതേ സമയം 15 വര്‍ഷമായിട്ടുള്ള വേദന ഒരു മാസം കൊണ്ട്‌ കൂടി അല്ലെങ്കില്‍ മുഴുവന്‍ സമയവും ഉണ്ട്‌ അല്ലെങ്കില്‍ രാത്രി ഉറക്കത്തില്‍ കൂടുന്നു എന്നൊക്കെ ആദ്യം തന്നെ പറഞ്ഞാല്‍ നമുക്ക്‌ warning bells അടിക്കുകയും ആ രോഗിയ്ക്ക്‌ പ്രത്യേക പരിഗണന ആവശ്യമാണ്‌ എന്നുള്ള കാര്യം ബോധ്യമാവുകയും ചെയ്യും.
പിന്നെയുള്ള മറ്റൊരു കാര്യം - മിക്കവരും ആദ്യം തന്നെ കിട്ടാവുന്നതില്‍ ഏറ്റവും കൂടിയ സ്പെഷ്യലിസ്റ്റിനേ ആണ്‌ കാണാന്‍ ശ്രമിക്കുന്നത്‌.ആദ്യം ഒരു general practioner നെ ക്കാണുന്നതാണ്‌ പ്രത്യേകിച്ച്‌ emergency ഇല്ലെങ്കില്‍ നല്ലത്‌. ഒരു ജനറല്‍ ഡോക്ടറിനു നിങ്ങളെ നല്ലവണ്ണം പരിശോധിക്കാനും, കാര്യങ്ങള്‍ ചോദിച്ചു മനസിലാക്കാനും സമയം കിട്ടും എന്നതിനോടൊപ്പം പലപ്പൊഴും നിങ്ങളുടെ പൂര്‍വ കാല ചരിത്രവും അറിയാമായിരിക്കും. ആദ്യമേ ഒരു സ്പെഷലിസ്റ്റിന്റെ അടുത്ത്‌ ചെന്ന് അസുഖ വിവരം പറയുന്നത്‌ നല്ലതാണെന്ന് തോന്നാമെങ്കിലും അത്‌ പലപ്പോഴും വിചാരിക്കുന്ന അത്ര ഉപയോഗപ്പെടുകയില്ല.
ഉദാഹരണത്തിന്‌ നാം ജലദോഷവുമായി സ്ഥലത്തെ മുന്തിയ ENT യെ കാണാന്‍ ചെല്ലുന്നു എന്നിരിക്കട്ടെ. നമ്മെ പ്പോലെ ഒരു പത്തു "സാദാ" ജലദോഷവും കണ്ട്‌ ബോര്‍ അടിച്ചിരിക്കുന്ന അദ്ദേഹത്തിനു നാം നമ്മുടെ "serious ജലദോഷം" അവതരിപ്പിക്കുമ്പോള്‍ തന്നെ കാര്യം മനസ്സിലാകുകയും അദ്ദേഹം ഗുളിക കുറിച്ചു തുടങ്ങുകയുക്‌ ചെയ്യും.
അതേ സമയം നാം ഒരു ജനറല്‍ ഡോക്ടറിനെ ക്കണ്ട്‌ കുറച്ച്‌ ഗുളികകളും, മൂക്കിലൊഴിക്കുന്ന തുള്ളിമരുന്നും മറ്റും പരീക്ഷിച്ച്‌ പ്രയോജനം ഇല്ലാതെ ചെല്ലുന്നു എന്നിരിക്കട്ടെ. ഇവിടെ സംഗതി വേറെയാണ്‌ ആ സ്പെഷിയലിസ്റ്റിനു വേണമെങ്കില്‍ മരുന്നു മാറ്റി നല്‍കാം ,കൂടുതല്‍ വിദഗ്ദ്ധ പരിശോധനയ്ക്ക്‌ നിങ്ങളെ വിധേയനാക്കാം.
വേറൊരാള്‍ പയറ്റി ശരിയാവാത്ത ഒരു അസുഖം മാറ്റാനാണ്‌ അദ്ദേഹം specialist ചമഞ്ഞ്‌ ഇരിക്കുന്നത്‌. അതേ സമയം വരുന്ന എല്ലാ "സാദാ" ജലദോഷവും ഇതുപോലെ നോക്കാന്‍ അദ്ദേഹത്തിന്‌രോഗികളുടെ എണ്ണം കൂടുന്നതു കാരണം സമയമോ സൗകര്യമോ ഉണ്ടായി എന്നു വരികയില്ല.
അതുപോലെ തന്നെ തലവേദന വന്നാലുടനെ neurologist നെ തന്നെ കാണിക്കുന്നവരും നമ്മുടെയിടയില്‍ ധാരാളം ഉണ്ട്‌. വരുന്ന തലവേദനക്കാരെ മുഴുവന്‍ ദീര്‍ഘമായി പരിശോധിച്ച്‌ "കുഴപ്പമില്ല" എന്നു പറയാന്‍ അദ്ദേഹത്തിന്‌ സമയം കിട്ടുമോ. ഇല്ല. അപ്പോള്‍ കഷ്ടകാലത്തിന്‌ ഏതെങ്കിലും ഒരു serious അസുഖം ഈ ആയിരങ്ങളുടെ ഇടയില്‍ നിന്നും miss ചെയ്യാതിരിക്കാന്‍ അദ്ദേഹത്തിന്‌ ഒരൊറ്റ വഴിയേ ഉള്ളു- സ്കാന്‍ എടുക്കുക.-- ആയിരം അനാവശ്യ സ്കാനുകള്‍ എടുത്ത്‌ അദ്ദേഹം തന്റെ സമയക്കുറവു കൊണ്ട്‌ ഒരു രോഗിയുടെ serious ആയേക്കാവുന്ന അസുഖം miss ചെയ്തുപോകാതിരിക്കാന്‍ ശ്രമിക്കുന്നു.
അതേ സമയം ഈ ആയിരം പേരും തലവേദനയുമായി ജനറല്‍ ഡോക്ടറെക്കണ്ടിരുന്നെങ്കില്‍ 999 പേരുടെയും അസുഖം വെറും crocin കൊണ്ടു മാറുകയും ,അസുഖം മാറാത്ത ആ ഒരൊറ്റ ആളെ മാത്രം neurologistന്‌ സുദീര്‍ഘമായ consultationഉം examinationഉം വഴി വളരെ എളുപ്പം assess ചെയ്യാന്‍ പറ്റുകയും ചെയ്യുന്നു.
(1) "ചെന്നിരുന്നാല്‍ ഉടന്‍ ഗുളിക എഴുതി കയ്യില്‍ത്തരും. എന്റെ മുഴുവന്‍ അസുഖവിവരം പറയാന്‍ പോലും സമയം തന്നില്ല"
ഇതാണെന്നു തോന്നുന്നു ഏറ്റവും കൂടുതല്‍ കേള്‍ക്കുന്ന ഒരു പരാതി.മിക്കവാറും ഇതു സംഭവിക്കുന്നത്‌ അല്‍പം പ്രശസ്തനായ ഡോക്ടരെ (പ്രത്യേകിച്ചും ഒരു specialistനെ) കാണാന്‍ പോകുമ്പോഴാണ്‌. നിറഞ്ഞൊഴുകുന്ന കണ്‍സള്‍റ്റിംഗ്‌ റൂമിലെ മുറുമുറുപ്പ്‌ ("എത്ര നേരമായി വന്നിരുന്നിട്ട്‌" ഇങ്ങേരെന്തോന്ന് അകത്ത്‌ ചായ കുടിക്കുകയാണോ" മുതലായവ )ഡോക്ടറുടെ ചെവിയിലും എത്തുന്നതിന്റെ ഒരു indirect effect ആവാമെങ്കിലും പലപ്പോഴും ഇത്‌ രോഗിയുടെ മനസ്സിലെ തന്റെ രോഗത്തിനെക്കുറിച്ചുള്ള പ്രാധാന്യവും (perceived importance) ഡോക്ടറുടെ മനസില്‍ രോഗിയുടെ രോഗത്തിനു നല്‍കിയിട്ടുള്ള പ്രാധാന്യവും (actual importance) തമ്മിലുള്ള അന്തരം കാരണം തോന്നുന്നതാണ്‌.
വെളിയിലിരുന്നു മുറുമുറുക്കുന്നവര്‍ ആണ്‌ പലപ്പോഴും അകത്തു കയറിക്കഴിഞ്ഞാല്‍ തന്റെ കുടുംബ ചരിത്രം മുഴുവന്‍ വിളമ്പി സമയം കളയുന്നത്‌ എന്ന് എനിക്ക്‌ പലപ്പോഴും തോന്നിയിട്ടുണ്ട്‌. മറ്റുള്ളവരുടെതിനെക്കാള്‍ പ്രാധാന്യം നമ്മുടെ രോഗത്തിനാണ്‌ എന്നതുകൊണ്ട്‌ വെളിയില്‍ ഇരിക്കുന്നവരുടെ സ്ഥിതി പലരും ഓര്‍ക്കാന്‍ ശ്രമിക്കാറില്ല എന്നതാണ്‌ വാസ്തവം. അങ്ങനെ വരുമ്പോള്‍ പലപ്പോഴും രോഗവുമായി പ്രസക്തിയില്ല എന്നു തോന്നുന്ന ഭാഗങ്ങള്‍ വരുമ്പോള്‍ (ശരിയായിട്ടോ തെറ്റായിട്ടോ) നമുക്ക്‌ അതു തടഞ്ഞ്‌ ശരിയായ വഴിയിലേക്ക്‌ (ഇപ്പോഴത്തെ പ്രശ്നത്തിലേക്ക്‌) സംഭാഷണം തിരിച്ചു വിടേണ്ടി വരും. പലപ്പോഴും ഇതു രോഗിക്ക്‌ ഇഷ്ടപ്പെട്ടു എന്നു വരില്ല. അപ്പോള്‍ അത്‌ ഒരു hostile interview ആയി മാറാന്‍ ഉള്ള സാധ്യത കൂടുന്നു.
പലപ്പോഴും ആദ്യത്തെ ഒന്നു രണ്ടു വാചകങ്ങളില്‍ നിന്നു തന്നെ നമുക്ക്‌ രോഗത്തിന്റെ seriousness മനസ്സിലാക്കാന്‍ പറ്റും. "ശരിക്കും പറഞ്ഞാല്‍ ഈ നടുവേദന തുടങ്ങിയിട്ട്‌ ഒരു 15 കൊല്ലമെങ്കിലും ആയിട്ടുണ്ട്‌.(അപ്പോള്‍ ഇന്നു വരാനുള്ള കാരണം?) ഇന്നു ഈ വഴി ഒരാവശ്യത്തിനു വന്നപ്പോള്‍ ഡോക്ടറെ ഒന്നു കാണാം എന്നു വിചാരിച്ചു" (അപ്പോള്‍ പുതുതായി പ്രശ്നങ്ങള്‍ ഒന്നും തന്നെ ഉണ്ടായിട്ടല്ല - എന്തായാലും വേറൊരു ആവശ്യത്തിന്‌ leave എടുത്തു , എങ്കില്‍പ്പിന്നെ....) - ഇത്‌ കൂടുതല്‍ വിസ്തരിക്കേണ്ട ആവശ്യമുണ്ടോ? പെട്ടെന്നൊന്നു നോക്കി സീരിയസ്‌ അസുഖങ്ങള്‍ ഒന്നും ഇല്ല എന്ന് ഉറപ്പു വരുത്തി - ഗുളിക, മരുന്ന്, exercise എന്നിവ പറഞ്ഞാല്‍ പോരേ ? അദ്ദേഹത്തിന്റെ പതിനഞ്ചു വര്‍ഷത്തെ ചരിത്രം കേള്‍ക്കാനിരുന്നാല്‍ അദ്ദേഹം സംതൃപ്തനാവും പക്ഷേ കുറച്ചുകൂടി വലിയ പ്രശ്നവും ആയി വേറൊരാള്‍ വെളിയില്‍ ക്കാണും എന്നതിനാല്‍ അദ്ദേഹം സ്വല്‍പം പിണങ്ങിയാലും സാരമില്ല എന്നു വിചാരിക്കുവാനെ തരമുള്ളു. അപ്പോള്‍ അദ്ദേഹം വെളിയില്‍ ഇറങ്ങിയിട്ട്‌ "മുഴുവന്‍ പറയാന്‍ സമ്മതിച്ചില്ല" എന്നു പറഞ്ഞാല്‍ ?
90 ശതമാനം സമയവും വര്‍ഷങ്ങളായിട്ടുള്ള ഒരു നടുവേദന - പ്രത്യേകിച്ച്‌ വ്യത്യാസമുണ്ടായിട്ടില്ല എങ്കില്‍ ഒരു സീരിയസ്‌ അസുഖം മൂലം ആവാനുള്ള സാധ്യത വളരെക്കുറവാണ്‌ (ഇതിന്‌ exceptions ഉണ്ട്‌ എന്നതില്‍ തര്‍ക്കമില്ല)അതേ സമയം 15 വര്‍ഷമായിട്ടുള്ള വേദന ഒരു മാസം കൊണ്ട്‌ കൂടി അല്ലെങ്കില്‍ മുഴുവന്‍ സമയവും ഉണ്ട്‌ അല്ലെങ്കില്‍ രാത്രി ഉറക്കത്തില്‍ കൂടുന്നു എന്നൊക്കെ ആദ്യം തന്നെ പറഞ്ഞാല്‍ നമുക്ക്‌ warning bells അടിക്കുകയും ആ രോഗിയ്ക്ക്‌ പ്രത്യേക പരിഗണന ആവശ്യമാണ്‌ എന്നുള്ള കാര്യം ബോധ്യമാവുകയും ചെയ്യും.
പിന്നെയുള്ള മറ്റൊരു കാര്യം - മിക്കവരും ആദ്യം തന്നെ കിട്ടാവുന്നതില്‍ ഏറ്റവും കൂടിയ സ്പെഷ്യലിസ്റ്റിനേ ആണ്‌ കാണാന്‍ ശ്രമിക്കുന്നത്‌.ആദ്യം ഒരു general practioner നെ ക്കാണുന്നതാണ്‌ പ്രത്യേകിച്ച്‌ emergency ഇല്ലെങ്കില്‍ നല്ലത്‌. ഒരു ജനറല്‍ ഡോക്ടറിനു നിങ്ങളെ നല്ലവണ്ണം പരിശോധിക്കാനും, കാര്യങ്ങള്‍ ചോദിച്ചു മനസിലാക്കാനും സമയം കിട്ടും എന്നതിനോടൊപ്പം പലപ്പൊഴും നിങ്ങളുടെ പൂര്‍വ കാല ചരിത്രവും അറിയാമായിരിക്കും. ആദ്യമേ ഒരു സ്പെഷലിസ്റ്റിന്റെ അടുത്ത്‌ ചെന്ന് അസുഖ വിവരം പറയുന്നത്‌ നല്ലതാണെന്ന് തോന്നാമെങ്കിലും അത്‌ പലപ്പോഴും വിചാരിക്കുന്ന അത്ര ഉപയോഗപ്പെടുകയില്ല.
ഉദാഹരണത്തിന്‌ നാം ജലദോഷവുമായി സ്ഥലത്തെ മുന്തിയ ENT യെ കാണാന്‍ ചെല്ലുന്നു എന്നിരിക്കട്ടെ. നമ്മെ പ്പോലെ ഒരു പത്തു "സാദാ" ജലദോഷവും കണ്ട്‌ ബോര്‍ അടിച്ചിരിക്കുന്ന അദ്ദേഹത്തിനു നാം നമ്മുടെ "serious ജലദോഷം" അവതരിപ്പിക്കുമ്പോള്‍ തന്നെ കാര്യം മനസ്സിലാകുകയും അദ്ദേഹം ഗുളിക കുറിച്ചു തുടങ്ങുകയുക്‌ ചെയ്യും.
അതേ സമയം നാം ഒരു ജനറല്‍ ഡോക്ടറിനെ ക്കണ്ട്‌ കുറച്ച്‌ ഗുളികകളും, മൂക്കിലൊഴിക്കുന്ന തുള്ളിമരുന്നും മറ്റും പരീക്ഷിച്ച്‌ പ്രയോജനം ഇല്ലാതെ ചെല്ലുന്നു എന്നിരിക്കട്ടെ. ഇവിടെ സംഗതി വേറെയാണ്‌ ആ സ്പെഷിയലിസ്റ്റിനു വേണമെങ്കില്‍ മരുന്നു മാറ്റി നല്‍കാം ,കൂടുതല്‍ വിദഗ്ദ്ധ പരിശോധനയ്ക്ക്‌ നിങ്ങളെ വിധേയനാക്കാം.
വേറൊരാള്‍ പയറ്റി ശരിയാവാത്ത ഒരു അസുഖം മാറ്റാനാണ്‌ അദ്ദേഹം specialist ചമഞ്ഞ്‌ ഇരിക്കുന്നത്‌. അതേ സമയം വരുന്ന എല്ലാ "സാദാ" ജലദോഷവും ഇതുപോലെ നോക്കാന്‍ അദ്ദേഹത്തിന്‌രോഗികളുടെ എണ്ണം കൂടുന്നതു കാരണം സമയമോ സൗകര്യമോ ഉണ്ടായി എന്നു വരികയില്ല.
അതുപോലെ തന്നെ തലവേദന വന്നാലുടനെ neurologist നെ തന്നെ കാണിക്കുന്നവരും നമ്മുടെയിടയില്‍ ധാരാളം ഉണ്ട്‌. വരുന്ന തലവേദനക്കാരെ മുഴുവന്‍ ദീര്‍ഘമായി പരിശോധിച്ച്‌ "കുഴപ്പമില്ല" എന്നു പറയാന്‍ അദ്ദേഹത്തിന്‌ സമയം കിട്ടുമോ. ഇല്ല. അപ്പോള്‍ കഷ്ടകാലത്തിന്‌ ഏതെങ്കിലും ഒരു serious അസുഖം ഈ ആയിരങ്ങളുടെ ഇടയില്‍ നിന്നും miss ചെയ്യാതിരിക്കാന്‍ അദ്ദേഹത്തിന്‌ ഒരൊറ്റ വഴിയേ ഉള്ളു- സ്കാന്‍ എടുക്കുക.-- ആയിരം അനാവശ്യ സ്കാനുകള്‍ എടുത്ത്‌ അദ്ദേഹം തന്റെ സമയക്കുറവു കൊണ്ട്‌ ഒരു രോഗിയുടെ serious ആയേക്കാവുന്ന അസുഖം miss ചെയ്തുപോകാതിരിക്കാന്‍ ശ്രമിക്കുന്നു.
അതേ സമയം ഈ ആയിരം പേരും തലവേദനയുമായി ജനറല്‍ ഡോക്ടറെക്കണ്ടിരുന്നെങ്കില്‍ 999 പേരുടെയും അസുഖം വെറും crocin കൊണ്ടു മാറുകയും ,അസുഖം മാറാത്ത ആ ഒരൊറ്റ ആളെ മാത്രം neurologistന്‌ സുദീര്‍ഘമായ consultationഉം examinationഉം വഴി വളരെ എളുപ്പം assess ചെയ്യാന്‍ പറ്റുകയും ചെയ്യുന്നു.
Subscribe to:
Posts (Atom)